Bywyd ym Met Caerdydd | Cardiff Met University

Arloeswyr

Met Caerdydd oedd y Brifysgol gyntaf yng Nghymru i gael ei dynodi’n Brifysgol Noddfa, gan ddarparu ‘Ysgoloriaethau Noddfa’ i fyfyrwyr israddedig ac ôl-raddedig, a staff academaidd sydd mewn perygl yn eu gwledydd.

Ni hefyd oedd y Brifysgol gyntaf yng Nghymru i dderbyn y Siarter Busnesau Bach mawreddog a’r Marc Menter Gymdeithasol i gydnabod ein gwaith gyda busnes, a’n hymrwymiad i gefnogi myfyrwyr mewn gweithgareddau menter ac entrepreneuriaeth.

Ym mis Ebrill 2024, dathlodd ein Hysgol Reoli Caerdydd i fod y Brifysgol gyntaf yng Nghymru, a’r drydedd yn y DU i dderbyn label System Effaith Ysgolion Busnes gan y Sefydliad Ewropeaidd ar gyfer Datblygu Rheoli am ein heffaith economaidd gadarnhaol ar Brifddinas-Ranbarth Caerdydd.

Mae gennym ddiwylliant cyfoethog o arloesi ac entrepreneuriaeth sydd wedi ei gwreiddio ar hyd y Brifysgol. Mae ein dull cyfannol o gefnogi busnesau newydd wedi gosod Met Caerdydd ymhlith yr 20% uchaf o brifysgolion y DU ar gyfer busnesau newydd i fyfyrwyr am y pum mlynedd diwethaf, sydd â’r chweched nifer uchaf o fyfyrwyr sy’n cychwyn ar hyn o bryd sydd wedi goroesi y tu hwnt i dair blynedd.

Ein Diwylliant a’n Gwerthoedd

Mae ein gwerthoedd creadigrwydd, arloesedd, cynhwysiant ac ymddiriedaeth, a gefnogir gan ein hymddygiad o ran arweinyddiaeth, dewrder, atebolrwydd a hyblygrwydd yn seiliedig ar egwyddorion rhyddid academaidd ac ymreolaeth sefydliadol sy’n ein harwain wrth i ni gydweithio ar draws y byd.

Mae ein diwylliant perfformiad uchel yn cael ei lywio gan ein harweinyddiaeth ysbrydoledig, sy’n seiliedig ar ein huniondeb a’n gwerthoedd cadarn. Mae ein gwerthoedd yn llywio’r sefydliad, gan sicrhau’r gorau gan ein myfyrwyr a’n staff. Rydym wedi ymrwymo i’n cyfrifoldebau cymdeithasol, economaidd ac amgylcheddol.

Mae ein Strategaeth 2030 yn canolbwyntio ar Berthyn, gan gyfoethogi’n hymdeimlad o fod yn gymuned ffyniannus ymhellach.

Mae ein haddysg, ymchwil ac arloesedd yn dod ag effeithiau cadarnhaol o ran cydraddoldeb, cynhwysiant cymdeithasol a chynaliadwyedd amgylcheddol, yn lleol, yn genedlaethol ac yn rhyngwladol.

Creadigrwydd

Ym Met Caerdydd, rydym yn defnyddio meddylfryd creadigol, yn darganfod atebion i broblemau ac ychwanegu gwerth.

Arloesedd

Ym Met Caerdydd, byddwch yn rhan o ddiwylliant perfformiad uchel arloesol.

Cynhwysiant

Ym Met Caerdydd, mae pawb yn cael ei werthfawrogi, rydyn ni’n gweithio dros bawb.

Ymddiriedaeth

Ym Met Caerdydd, ymddiriedaeth sy’n dal ein cymuned at ei gilydd.

Beth rydyn ni’n ei gynnig

Cyflog a Phensiwn

Mae ein dull talu’n cydnabod pwysigrwydd strwythur cyflogau sy’n gyfartal i bawb; yn briodol; yn dryloyw; ac yn talu staff yn deg am y gwaith maen nhw’n ei wneud. Mae ein bandiau cyflog i’w gweld yn glir ar bob hysbyseb swydd.

Mae pob darparwr pensiwn yn cynnig buddion da. Rydym yn cynnig aelodaeth i Gynllun Pensiwn Llywodraeth Leol, Cynllun Pensiwn Athrawon, neu Gynllun Pensiwn y Prifysgolion (USS) yn dibynnu ar eich rôl.

Cydbwysedd Bywyd/Gwaith

Rydym yn cynnig swm hael o wyliau blynyddol sydd naill ai’n 25 diwrnod, sy’n codi i 30 diwrnod ar ôl blwyddyn o wasanaeth, neu’n 35 diwrnod o wyliau blynyddol, yn dibynnu ar eich swydd yn ogystal â 12 diwrnod gŵyl banc/consesiwn i’r holl staff. Bydd hawl i wyliau blynyddol yn wahanol i weithwyr sy’n gweithio yn PDR neu un o’n sefydliadau partner megis contract Cyswllt Trosglwyddo Gwybodaeth. Bydd manylion ein hawl i wyliau blynyddol yn cael ei harddangos yn ein hysbysebion swyddi.

Polisïau Ystyriol o Deuluoedd – mae gennym gasgliad o bolisïau ystyriol o deuluoedd sy’n cwmpasu Absenoldeb Mamolaeth, Tadolaeth, Mabwysiadu, Rhiant a Rennir a Rhiant. Gallwch weld manylion pob polisi drwy fynd i’n Hafan Hyb Polisïau.

Iechyd a Llesiant

Gofalu am eich iechyd – mae gan staff fynediad i Ofal Iechyd Cyflenwol am bris gostyngol – Adweitheg, Tylino Holistaidd ac Aromatherapi yn Ystafelloedd Bodywork, Campws Llandaf.

Mynediad i gyfleusterau chwaraeon a ffitrwydd gyda aelodaeth â chymhorthdal.

Mynediad am ddim i’r teulu i’n darparwr cymorth llesiant arbenigol annibynnol, Health Assured.

Talebau gofal llygaid am ddim a chyfraniadau tuag at ofal llygaid.

Rhan o Active Soles – mudiad bywiog a sefydlwyd i drawsnewid y ffordd rydym yn gweithio, sy’n ceisio cefnogi timau i fod yn fwy actif drwy lenwi eu gweithleoedd gydag egni a symud; newid diwylliant ein gweithle drwy ganiatáu i weithwyr wisgo esgidiau cyffyrddus y gallant symud yn haws ynddynt.

Ein Cyfleusterau

Byddwch yn cael mynediad i’n cyfleusterau llyfrgell, a fydd yn agor y drysau i gyfoeth o wybodaeth, dysgu a hwyl!

Cyfleusterau arlwyo ac Ap Met Rewards – mae gennym ap ffôn symudol pwrpasol sy’n eich galluogi chi i ennill pwyntiau teyrngarwch mewn unrhyw gaffi a bwyty ym Met Caerdydd.

Mynediad i gyfleusterau chwaraeon a ffitrwydd gyda aelodaeth â chymhorthdal.

Mae caplaniaeth, ystafelloedd gweddïo ac ystafelloedd rhieni ar gael ar ein campysau pan fo staff angen eu defnyddio.

Cynllun Iaith Gwaith

Meddwl am ddysgu Cymraeg?

Mae’r Gymraeg yn ganolog i strategaeth hirdymor y brifysgol. Rydym wedi ymrwymo i gynyddu ein darpariaeth Gymraeg yn sylweddol yn ystod y blynyddoedd nesaf ac adeiladu ar brofiadau ein myfyrwyr cyfrwng Cymraeg ar y ddau gampws. Mae’r rhaglen Iaith Gwaith yn hanfodol i gyflawni’n gweledigaeth wrth i ni baratoi i gynyddu nifer y staff academaidd a gweinyddol sy’n siarad Cymraeg. Dysgwch mwy am yr Iaith Gymraeg a diwylliant Cymru ym Met Caerdydd yma.

Gweithio gyda’n Cymunedau

Bydd Met Caerdydd yn ymestyn ei gweithgarwch cenhadaeth ddinesig, gan adeiladu ar ein gwaith cyfredol i gyfoethogi llesiant economaidd, cymdeithasol, amgylcheddol a diwylliannol Cymru. Drwy bartneriaethau a chydweithio, byddwn yn cefnogi’r gymuned, busnesau a diwydiannau drwy ymestyn mynediad i’n cyfleusterau, doniau ac adnoddau i gyflawni rôl arwyddocaol a gweladwy i helpu Cymru i ffynnu.

Byddwn yn:

• Cynyddu cydweithio â phartneriaid a’n cymuned leol.
• Ymestyn cyrhaeddiad ein staff a myfyrwyr drwy wella prosiect Colegau Agored Caerdydd, ehangu menter Campws Agored, a cheisio codi dyheadau a safonau addysg ar draws ysgolion a cholegau Cymru ac i gyd-fynd â deddfwriaeth Addysg Drydyddol ac Ymchwil (Cymru) 2022.
• Adlewyrchu amrywiaeth y cymunedau a wasanaethwn yn lleol a chenedlaethol a chefnogi eu hanghenion drwy hyrwyddo’r Gymraeg a diwylliant Cymru.
• Gweithio gyda’n cymunedau ac arweinwyr yn y maes i wella symudedd cymdeithasol er mwyn gwneud cymdeithas yn decach.

Jen Jones Pennaeth Ymgysylltu a Chyfathrebu Defnyddwyr Gwasanaethau Digidol a Llyfrgell

Rhwydweithiau Staff

Mae rhwydweithio â phobl o’r un anian yn ffordd wych o gael y gorau o weithio ym Met Caerdydd. Mae rhwydweithiau’n cyfarfod yn ffurfiol o leiaf unwaith y tymor, gan gynnal cyfarfodydd â ffocws a digwyddiadau cymdeithasol agored am yn ail, lle mae aelodau’n cael cyfle i gymdeithasu. Maent yn ffordd wych o rwydweithio, datblygu cysylltiadau, rhannu profiadau, trefnu digwyddiadau a dylanwadu a sbarduno newid cadarnhaol.

– Rhwydwaith Du, Asiaidd ac Ethnig Leiafrifol
– Rhwydwaith Anabl
– Rhwydwaith Rhyngwladol
– Rhwydwaith LHDTC+
– Rhwydwaith y Gymraeg
– Rhwydwaith Menywod

Datblygiad Personol

Yn ein prifysgol ein nod yw datgloi potensial, nid yn unig i’n myfyrwyr ond i’n staff eithriadol hefyd. Rydym yn deall mai ein gweithwyr yw ein hased mwyaf, ac rydym yn gwbl ymrwymedig i dwf a datblygiad unigolion.

Rydym yn cynnig pob math o gyfleoedd datblygu sy’n hygyrch yn ganolog, ac o fewn cyfarwyddiaethau unigol. Mae Datblygiad Proffesiynol Parhaus yn cael ei gefnogi ym mhob ysgol ac uned broffesiynol i gefnogi datblygiad disgyblaethau academaidd a sgiliau cysylltiedig â swyddi.

Mae ein Cyfarwyddiaeth Gwella Ansawdd yn darparu detholiad cynhwysfawr o raglenni gwella dysgu, addysgu ac ymgysylltu â myfyrwyr, tra bod ein Gwasanaethau Ymchwil ac Arloesedd yn darparu adnoddau helaeth ar gyfer datblygu ymchwil ac arloesedd.

Yn ogystal â datblygiad academaidd a phroffesiwn-benodol, rydym yn cynnig casgliad eang o sgiliau proffesiynol a chyfleoedd datblygu cysylltiedig ag addysg uwch hefyd. Mae’r rhaglenni hyn yn cael eu darparu gan dimau ein Gwasanaethau Pobl, Llyfrgell a Gwybodaeth, yr Ysgrifenyddiaeth, a Gwasanaethau Myfyrwyr. Rydym yn credu mewn grymuso ein staff â’r adnoddau a’r wybodaeth maent eu hangen i ffynnu yn eu gyrfaoedd.

Ymchwil ac Arloesedd

Mae ein timau Ymchwil ac Arloesedd yn cynnig amrywiaeth o ddigwyddiadau fel cynadleddau, symposia a gweithdai, hyfforddiant a chymorth i’n gweithwyr. Rydym yn darparu mynediad i adnoddau allanol hefyd yn benodol ar gyfer ymchwilwyr ar wahanol gamau o’u gyrfa sy’n cynnwys hyfforddiant ar-lein ar bynciau fel sut i ymgysylltu â Senedd y DU.

Mae ein Canolfan Entrepreneuriaeth yn hyrwyddo’r agenda entrepreneuriaeth, gan gydweithio â’r pum Ysgol. Rydym yn cefnogi drwy gyfoethogi ansawdd y dysgu a’r addysgu drwy gyrsiau hyfforddi wedi’u teilwra, a darparu cyngor arbenigol ar ddatblygu modiwlau a chyrsiau.

Dysgu, Addysgu ac Ymgysylltu â Myfyrwyr

Mae’r Gyfarwyddiaeth Gwella Ansawdd yn darparu cyrsiau, gweithdai, a digwyddiadau i wella ymarfer academaidd a chefnogi twf yn ein cymuned yn cynnwys:

Sefydlu Academaidd – cyfres o weithdai sy’n darparu’r holl wybodaeth sydd ei hangen arnoch i helpu i roi dechrau gwych i’ch addysgu ym Met Caerdydd.
Cymorth ar gyfer gwella’r cwricwlwm, er enghraifft rhoi cyngor ar sut i ysgrifennu disgrifyddion modiwlau a manylebau rhaglenni, sut i gyfrannu at adolygiadau cwricwlwm, cynnwys llais y myfyriwr mewn dysgu ac addysgu a gweithio’n effeithiol gydag Arholwyr Allanol.
Cyfle i ymrestru ar ein Tystysgrif Ôl-raddedig mewn Addysgu mewn Ymarfer Academaidd ac i ymgeisio am wahanol gymrodoriaethau addysgu.
Mae Pecyn Datblygu Cyfarwyddwyr Rhaglenni’n cefnogi Cyfarwyddwyr Rhaglenni fel arweinwyr rhaglenni, ynghyd â chymorth arweinyddiaeth a diwylliannol drwy hunanddatblygu a dull cymuned ymarfer.
Cyfres o weithdai ffurfiol ac anffurfiol ar wahanol agweddau ar “wneud” ymchwil addysgegol, yn cynnwys gwahanol agweddau ar y broses ymchwil fel cynllunio ymchwil, gwneud y gwaith, a chyhoeddi a lledaenu.

Sgiliau Proffesiynol

Rydym yn cynnig amrywiaeth eang o ddysgu a datblygu sy’n hygyrch, perthnasol a difyr. Mae hyn yn cynnwys datblygu sgiliau technegol, hyfforddiant a chymwysterau sgiliau technegol, seminarau, gweithdai, rhaglenni, mentora a hyfforddi, a dysgu ar alw sy’n cwmpasu pob math o gymorth ar gyfer dysgu ac addysgu, ymchwil, arweinyddiaeth a rheoli o ansawdd uchel ac effeithiolrwydd personol.

Rydym yn cynnig casgliad o sesiynau byr ar-lein, cyfres o hyfforddiant hanfodol i bob rheolwr llinell, cyrsiau byr, rhaglenni modiwlaidd arwain a rheoli, e-ddysgu ac adnoddau ar-alw. Mae’r rhain yn cynnwys amrywiaeth eang o bynciau sy’n cwmpasu arweinyddiaeth a rheolaeth, sgiliau personol a busnes a dulliau o gefnogi effeithiolrwydd timau sy’n cynnwys seicometreg tîm ac unigol.
Mae Rhwydwaith Mentora Met Caerdydd yn darparu platfform i gydweithwyr sydd eisiau cymorth ac arweiniad ar faes pwnc penodol i ganfod a chael cymorth gan gydweithwyr sydd â gwybodaeth/profiad sylweddol yn y maes pwnc hwnnw.
Mae rhaglenni a chyrsiau arweinyddiaeth allanol ar gael hefyd i gefnogi rhwydweithio a datblygu allanol ac amlsector.

Pam Caerdydd?

Caerdydd yw prifddinas fywiog Cymru, un o bedair cenedl y Deyrnas Unedig. Mae wedi newid yn aruthrol dros y ddau ddegawd diwethaf gyda datblygiad sylweddol iawn yn ei hamgylchedd a’i seilwaith sy’n cefnogi poblogaeth sy’n tyfu, yn cynyddu datblygiad busnes a buddsoddiad mewn cyfleusterau chwaraeon a diwylliannol o’r radd flaenaf. Caerdydd yw’r brifddinas Ewropeaidd agosaf at Lundain, a bydd modd ei chyrraedd mewn llai na 100 munud ar drên yn fuan. Rhagwelir mai Caerdydd fydd y ddinas a fydd yn tyfu gyflymaf yn y DU dros yr ugain mlynedd nesaf; mae’n ddinas ifanc a thalentog, yn barod ar gyfer twf economaidd.

Mae’r ardaloedd yng nghyffiniau Caerdydd yn hardd ac yn cynnwys yr arfordir a chefn gwlad gyda Phenrhyn Gŵyr a Pharc Cenedlaethol Bannau Brycheiniog a digon o gyfleoedd ar gyfer hamdden a chwaraeon awyr agored yn cynnwys beicio mynydd, hwylio, caiacio, padlfyrddio, beicio, cerdded a rhedeg mewn dinas gymharol wastad.

Mae gan Met Caerdydd ddau gampws addysgu, Campws Cyncoed yng ngogledd-ddwyrain y ddinas a Champws Llandaf ar Rodfa’r Gorllewin yng ngogledd-orllewin y ddinas. Mae yna ddau gampws llai hefyd: Plas Gwyn, ger Campws Llandaf, lle mae llety myfyrwyr a Thŷ Alexander, oddi ar Rodfa’r Gorllewin ger Campws Llandaf, a gafaelwyd yn ddiweddar i ddarparu gofod dylunio ac arloesi o’r radd flaenaf ac i fod yn gartref i nifer o wasanaethau proffesiynol. Mae’r ddau brif gampws yn cynnig amgylcheddau rhagorol i weithio, astudio ac ymlacio ac mae’r naill a’r llall wedi’i amgylchynu gan fannau gwyrdd eang a choetiroedd sy’n cefnogi pwyslais y Brifysgol ar iechyd a llesiant.

Dewch i Gaerdydd, prifddinas Cymru

Adleoli

Nod Prifysgol Metropolitan Caerdydd yw denu, recriwtio a chadw ymgeiswyr rhagorol. I gefnogi’r nod hwn, mae’r Polisi a Gweithdrefn Treuliau Adleoli wedi’u cynllunio i gefnogi symudedd fel nad yw daearyddiaeth genedlaethol a rhyngwladol yn rhwystr i recriwtio. Cynlluniwyd y polisi i gefnogi gweithwyr sydd newydd eu penodi gyda’r heriau ariannol ac ymarferol sy’n gysylltiedig ag adleoli.

Polisi Adleoli

Ein Lleoliadau

Campws Cyncoed

Mae Cyncoed yn gartref i Ysgol Addysg a Pholisi Cymdeithasol Caerdydd ac Ysgol Chwaraeon a Gwyddorau Iechyd Caerdydd (Cyncoed).

Darganfod mwy

Campws Llandaf

Mae Llandaf yn gartref i Ysgol Chwaraeon a Gwyddorau Iechyd Caerdydd (Llandaf), Ysgol Reoli Caerdydd ac Ysgol Celf a Dylunio Caerdydd.

Darganfod mwy

Campws Preswyl Plas Gwyn

Mae Plas Gwyn yn gampws preswyl gyda llety en-suite. Gweler y mapiau ar gyfer Llandaf gan fod y rhain hefyd yn dangos lleoliad Plas Gwyn.

Darganfod mwy

Rydym wrth ein bodd bod ein hymrwymiad i gynaliadwyedd wedi ennill y lle gorau i ni yn y DU, fel y cydnabyddir gan Gynghrair Werdd People and Planet 2022/23. Mae’r tabl cynghrair mawreddog hwn yn gosod holl brifysgolion y DU yn annibynnol ar eu perfformiad amgylcheddol a moesegol.

Wrth i ni symud tuag at ein Strategaeth 2030, elfen allweddol yw trawsnewid ein hystâd yn ôl troed carbon sero net erbyn 2030. Nid mater o leihau ein heffaith amgylcheddol yn unig yw’r trawsnewid hwn; mae’n ymwneud â chreu mannau eithriadol, arloesol a chynaliadwy ar gyfer dysgu, gweithio, byw, chwaraeon a gweithgareddau cymdeithasol. Mae ein hymagwedd yn cynnwys cyfuniad cytûn o adeiladu newydd ecogyfeillgar ac adnewyddu strwythurau presennol i sicrhau’r lefelau uchaf o gynaliadwyedd.