Arloeswyr
Met Caerdydd oedd y Brifysgol gyntaf yng Nghymru i gael ei dynodi’n Brifysgol Noddfa, gan ddarparu ‘Ysgoloriaethau Noddfa’ i fyfyrwyr israddedig ac ôl-raddedig, a staff academaidd sydd mewn perygl yn eu gwledydd.
Ni hefyd oedd y Brifysgol gyntaf yng Nghymru i dderbyn y Siarter Busnesau Bach mawreddog a’r Marc Menter Gymdeithasol i gydnabod ein gwaith gyda busnes, a’n hymrwymiad i gefnogi myfyrwyr mewn gweithgareddau menter ac entrepreneuriaeth.
Ym mis Ebrill 2024, dathlodd ein Hysgol Reoli Caerdydd i fod y Brifysgol gyntaf yng Nghymru, a’r drydedd yn y DU i dderbyn label System Effaith Ysgolion Busnes gan y Sefydliad Ewropeaidd ar gyfer Datblygu Rheoli am ein heffaith economaidd gadarnhaol ar Brifddinas-Ranbarth Caerdydd.
Mae gennym ddiwylliant cyfoethog o arloesi ac entrepreneuriaeth sydd wedi ei gwreiddio ar hyd y Brifysgol. Mae ein dull cyfannol o gefnogi busnesau newydd wedi gosod Met Caerdydd ymhlith yr 20% uchaf o brifysgolion y DU ar gyfer busnesau newydd i fyfyrwyr am y pum mlynedd diwethaf, sydd â’r chweched nifer uchaf o fyfyrwyr sy’n cychwyn ar hyn o bryd sydd wedi goroesi y tu hwnt i dair blynedd.
Ein Diwylliant a’n Gwerthoedd
Mae ein gwerthoedd creadigrwydd, arloesedd, cynhwysiant ac ymddiriedaeth, a gefnogir gan ein hymddygiad o ran arweinyddiaeth, dewrder, atebolrwydd a hyblygrwydd yn seiliedig ar egwyddorion rhyddid academaidd ac ymreolaeth sefydliadol sy’n ein harwain wrth i ni gydweithio ar draws y byd.
Mae ein diwylliant perfformiad uchel yn cael ei lywio gan ein harweinyddiaeth ysbrydoledig, sy’n seiliedig ar ein huniondeb a’n gwerthoedd cadarn. Mae ein gwerthoedd yn llywio’r sefydliad, gan sicrhau’r gorau gan ein myfyrwyr a’n staff. Rydym wedi ymrwymo i’n cyfrifoldebau cymdeithasol, economaidd ac amgylcheddol.
Mae ein haddysg, ymchwil ac arloesedd yn dod ag effeithiau cadarnhaol o ran cydraddoldeb, cynhwysiant cymdeithasol a chynaliadwyedd amgylcheddol, yn lleol, yn genedlaethol ac yn rhyngwladol.
Creadigrwydd
Ym Met Caerdydd, rydym yn defnyddio meddylfryd creadigol, yn darganfod atebion i broblemau ac ychwanegu gwerth.
Arloesedd
Ym Met Caerdydd, byddwch yn rhan o ddiwylliant perfformiad uchel arloesol.
Cynhwysiant
Ym Met Caerdydd, mae pawb yn cael ei werthfawrogi, rydyn ni’n gweithio dros bawb.
Ymddiriedaeth
Ym Met Caerdydd, ymddiriedaeth sy’n dal ein cymuned at ei gilydd.
Beth rydyn ni’n ei gynnig
Rhwydweithiau Staff
Mae rhwydweithio â phobl o’r un anian yn ffordd wych o gael y gorau o weithio ym Met Caerdydd. Mae rhwydweithiau’n cyfarfod yn ffurfiol o leiaf unwaith y tymor, gan gynnal cyfarfodydd â ffocws a digwyddiadau cymdeithasol agored am yn ail, lle mae aelodau’n cael cyfle i gymdeithasu. Maent yn ffordd wych o rwydweithio, datblygu cysylltiadau, rhannu profiadau, trefnu digwyddiadau a dylanwadu a sbarduno newid cadarnhaol.
– Rhwydwaith Du, Asiaidd ac Ethnig Leiafrifol
– Rhwydwaith Anabl
– Rhwydwaith Rhyngwladol
– Rhwydwaith LHDTC+
– Rhwydwaith y Gymraeg
– Rhwydwaith Menywod
Datblygiad Personol
Yn ein prifysgol, rydyn ni’n ymwneud â datgloi potensial, nid yn unig i’n myfyrwyr ond hefyd i’n staff eithriadol. Rydym yn deall mai ein gweithwyr yw ein hased mwyaf, ac rydym wedi ymrwymo’n llwyr i dwf a datblygiad unigol sy’n cynnig ystod amrywiol o gyfleoedd datblygu.
Mae Datblygiad Proffesiynol Parhaus yn cefnogi datblygiad disgyblaeth academaidd unigol a sgiliau sy’n gysylltiedig â rôl, a ddarperir trwy ystod o ddatblygiadau o’n hysgolion, ein cyfarwyddiaethau a’n gwasanaethau canolog.
Rydym yn darparu adnoddau helaeth ar gyfer datblygu ymchwil ac arloesi, sgiliau digidol, a datblygu staff sy’n gysylltiedig ag anghenion lles ein myfyrwyr, sydd i gyd yn cael eu darparu trwy dimau datblygu arbenigol.
Mae ein Academi Dysgu a Datblygiad Proffesiynol (PLDA) newydd yn cyfuno Dysgu Academaidd a Datblygu Addysgu, a Datblygiad Personol, Tîm ac Arweinyddiaeth, model sy’n cyfuno arbenigedd ac effeithlonrwydd datblygu.
Gellir cyrchu’r holl opsiynau datblygu staff drwy’r PLDA.
Pam Caerdydd?
Caerdydd yw prifddinas fywiog Cymru, un o bedair cenedl y Deyrnas Unedig. Mae wedi newid yn aruthrol dros y ddau ddegawd diwethaf gyda datblygiad sylweddol iawn yn ei hamgylchedd a’i seilwaith sy’n cefnogi poblogaeth sy’n tyfu, yn cynyddu datblygiad busnes a buddsoddiad mewn cyfleusterau chwaraeon a diwylliannol o’r radd flaenaf. Caerdydd yw’r brifddinas Ewropeaidd agosaf at Lundain, a bydd modd ei chyrraedd mewn llai na 100 munud ar drên yn fuan. Rhagwelir mai Caerdydd fydd y ddinas a fydd yn tyfu gyflymaf yn y DU dros yr ugain mlynedd nesaf; mae’n ddinas ifanc a thalentog, yn barod ar gyfer twf economaidd.
Mae’r ardaloedd yng nghyffiniau Caerdydd yn hardd ac yn cynnwys yr arfordir a chefn gwlad gyda Phenrhyn Gŵyr a Pharc Cenedlaethol Bannau Brycheiniog a digon o gyfleoedd ar gyfer hamdden a chwaraeon awyr agored yn cynnwys beicio mynydd, hwylio, caiacio, padlfyrddio, beicio, cerdded a rhedeg mewn dinas gymharol wastad.
Mae gan Met Caerdydd ddau gampws addysgu, Campws Cyncoed yng ngogledd-ddwyrain y ddinas a Champws Llandaf ar Rodfa’r Gorllewin yng ngogledd-orllewin y ddinas. Mae yna ddau gampws llai hefyd: Plas Gwyn, ger Campws Llandaf, lle mae llety myfyrwyr a Thŷ Alexander, oddi ar Rodfa’r Gorllewin ger Campws Llandaf, a gafaelwyd yn ddiweddar i ddarparu gofod dylunio ac arloesi o’r radd flaenaf ac i fod yn gartref i nifer o wasanaethau proffesiynol. Mae’r ddau brif gampws yn cynnig amgylcheddau rhagorol i weithio, astudio ac ymlacio ac mae’r naill a’r llall wedi’i amgylchynu gan fannau gwyrdd eang a choetiroedd sy’n cefnogi pwyslais y Brifysgol ar iechyd a llesiant.
Dewch i Gaerdydd, prifddinas Cymru
Adleoli
Ym Mhrifysgol Metropolitan Caerdydd, ein nod yw denu, recriwtio a chadw talent arbennig. I gefnogi hyn, mae ein Polisi a Gweithdrefn Adleoli Treuliau wedi’i gynllunio i gael gwared ar rwystrau daearyddol a chynorthwyo gweithwyr newydd eu penodi gyda’r heriau ariannol ac ymarferol sy’n gysylltiedig ag adleoli.
Mae pob cynnig swydd a chymorth adleoli yn amodol ar yr unigolyn yn meddu ar yr hawl gyfreithiol i weithio yn y DU. Am ragor o wybodaeth am nawdd fisa a gofynion hawl i weithio, ewch i’n tudalen Cymorth Cais.
Polisi a Gweithdrefn Treuliau AdleoliEin Lleoliadau
Mae Cyncoed yn gartref i Ysgol Addysg a Pholisi Cymdeithasol Caerdydd ac Ysgol Chwaraeon a Gwyddorau Iechyd Caerdydd (Cyncoed).
Mae Llandaf yn gartref i Ysgol Chwaraeon a Gwyddorau Iechyd Caerdydd (Llandaf), Ysgol Reoli Caerdydd ac Ysgol Celf a Dylunio Caerdydd.
Mae Plas Gwyn yn gampws preswyl gyda llety en-suite. Gweler y mapiau ar gyfer Llandaf gan fod y rhain hefyd yn dangos lleoliad Plas Gwyn.
Rydym wrth ein bodd ein bod wedi ennill statws Prifysgol Dosbarth 1af yn Nhabl Cynghrair Y Bobl a’r Blaned 2025/26 gan ein rhestru yn 10fed yn y DU ac yn 1af yng Nghymru am gynaliadwyedd. Mae’r tabl cynghrair mawreddog hwn yn gosod holl brifysgolion y DU yn annibynnol ar eu perfformiad amgylcheddol a moesegol.
Wrth i ni symud tuag at ein Strategaeth 2030, elfen allweddol yw trawsnewid ein hystâd yn ôl troed carbon sero net erbyn 2030. Nid mater o leihau ein heffaith amgylcheddol yn unig yw’r trawsnewid hwn; mae’n ymwneud â chreu mannau eithriadol, arloesol a chynaliadwy ar gyfer dysgu, gweithio, byw, chwaraeon a gweithgareddau cymdeithasol. Mae ein hymagwedd yn cynnwys cyfuniad cytûn o adeiladu newydd ecogyfeillgar ac adnewyddu strwythurau presennol i sicrhau’r lefelau uchaf o gynaliadwyedd.
